Բազմաթիվ միջազգային մրցույթների դափնեկիր, 2013 թ․ քսան տարեկան հասակում Եղիսաբեթ թագուհու անվան դաշնամուրի միջազգային մրցույթի երկրորդ մրցանակակիր և Բոննի Բեթհովենի անվան միջազգային մրցույթի ամենաերիտասարդ մրցանակակիր դարձած Ռեմի Ժենյեն ակտիվորեն կայանում է որպես իր սերնդի ամենաճանաչելի դաշնակահարներից մեկը: 2015 թվականին Նյու Յորքում անցկացվող հեղինակավոր «Երիտասարդ կոնցերտային երաժիշտների միջազգային լսումներում» արժանացել է առաջին մրցանակի:

Ռեմի Ժենյեն միջազգային ելույթներ է ունենում տարբեր նվագախմբերի հետ, այդ թվում` Սանկտ Պետերբուրգի ֆիլհարմոնիկ նվագախմբի, «Նովայա Ռոսիա» պետական ​​սիմֆոնիկ նվագախմբի, Ուրալի ֆիլհարմոնիկ նվագախմբի, Ռոմանական Շվեյցարիայի նվագախմբի, Բարսելոնայի սիմֆոնիկ նվագախմբի, Լյուքսեմբուրգի ֆիլհարմոնիկ նվագախմբի, Բելգիայի ազգային նվագախմբի, Լիլի ազգային նվագախմբի հետ:

Ֆրանսիայից դուրս նա ելույթ է ունենում «Քարնեգի հոլում», «Մորգանի անվան գրադարանում», Մյունխենի «Գասթայգ», Բեռլինի «Կոնցերտհաուզ» համերգասրահներում, Մոսկվայի կոնսերվատորիայի մեծ դահլիճում, ինչպես նաև Վիեննայում, Ժնևում, Գենտում, Բրյուսելում, Գերմանիայում և Լեհաստանում: Սովորելով Փարիզի երաժշտական ազգային բարձրագույն կոնսերվատորիայում՝ Բրիջիտ Անժերեր մոտ և École Normale de Musique Alfred Cortot-ում՝ Ռենա Շերեշևսկայայի դասարանում, Ռեմին միաժամանակ աշխատել է Եվգենի Կորոլյովի հետ Համբուրգի երաժշտության և թատրոնի բարձրագույն դպրոցում։ Նա նաև նվագախմբային դիրիժորություն է սովորել Ջորջ Փեհլիվանյանի մոտ: